lowborn ತುಮಕೂರು ಜಿಲ್ಲಾ ಪೊಲೀಸ್ | Tumakuru District Police | Tumkur Police | ತುಮಕೂರು ಜಿಲ್ಲಾ ಪೊಲೀಸ್ | Tumakuru District Police | Tumkur Police
Curfew Pass Application

ಡಾ. ಕೋನ ವಂಶಿ ಕೃಷ್ಣ IPS,
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು,
ತುಮಕೂರು ಜಿಲ್ಲೆ, ಕರ್ನಾಟಕ

ವರಿಷ್ಠಾಧಿಕಾರಿಯವರ ಸಂದೇಶ

ಪತ್ರಿಕಾ ಪ್ರಕಟಣೆ ದಿನಾಂಕ: 18-09-2020 ಪೊಲೀಸ್ ಇಲಾಖೆಯು ಖಾಲಿ ಇರುವ ಸಿಪಿಸಿ ಹುದ್ದೆಗಳಿಗೆ... >> ಪತ್ರಿಕಾ ಪ್ರಕಟಣೆ ದಿ:11/09/20 ದ್ವಿ ಚಕ್ರ ವಾಹನ ಕಳವು ಆರೋಪಿಯ ಬಂಧನ. ದಿನಾಂಕ : 17-08-2020 ರಂದು... >> ಪತ್ರೀಕಾ ಪ್ರಕಟಣೆ ದಿನಾಂಕ 31/08/2020 ಕೋಲೆ ಆರೋಪಿಗಳ ಬಂಧನ ದಿನಾಂಕ: 21-08-2020 ರಂದು ರಾತ್ರಿ 11-00... >>       ಪತ್ರಿಕಾ ಪ್ರಕಟಣೆ ದಿ : 26-08-2020   ಖರ್ತನಾಕ್ ಕಳ್ಳನ ಬಂಧನ, ಕಳವಾಗಿದ್ದ ಸುಮಾರು 03... >> ಪತ್ರಿಕಾ ಪ್ರಕಟಣೆ ದಿ18-08-20 ರಾತ್ರಿ ವೇಳೆ ಮಹಿಳೆಯರ ಕೊರಳಿನಲ್ಲಿದ್ದ ಸರಗಳನ್ನು... >> ಪತ್ರಿಕಾ ಪ್ರಕಟಣೆ ರಾಬರಿಯಾದಂತೆ ಘಟನೆಯನ್ನು ತಾವೇ ಸೃಷ್ಠಿಸಿ, ಬ್ಯಾಂಕಿನ ರಿಕವರಿ... >> ಪತ್ರಿಕಾ ಪ್ರಕಟಣೆ ದಿನಾಂಕ: 19/06/2020 ಅಪರಿಚಿತ ಸುಮಾರು 55 ರಿಂದ 60 ವರ್ಷ ವಯಸ್ಸಿನ... >> ಪತ್ರಿಕಾ ಪ್ರಕಟಣೆ ದಿನಾಂಕ 14-06-2020 ಕೋವಿಡ್-19 ಸೋಂಕು ಹರಡಲು ಕಾರಣನಾದ ಮಹಮದ್ ಅಬೂಬಕರ್ ರವರ... >> ಪತ್ರಿಕಾ ಪ್ರಕಟಣೆ. ದಿನಾಂಕ 12-06-2020 ತುಮಕೂರು ಜಿಲ್ಲೆಯಲ್ಲಿ ಖಾಲಿ ಇರುವ ಸಿವಿಲ್ ಪೊಲೀಸ್... >> ಪತ್ರಿಕಾ ಪ್ರಕಟಣೆ ದಿನಾಂಕ: 09/06/2020   OLX ನಲ್ಲಿ (ARMY ) ಸೈನಿಕರ ಹೆಸರಿನಲ್ಲಿ ವಂಚಿಸುತ್ತಿರುವ... >>
  • Facebook: TumkurDistrictPolice
  • Picasa: tumkurpolice
  • Twitter: sptumkur
  • External Link: www.youtube.com/channel/UC5uVBpzphJxhwMUHL1NVKVQ

ದಿನವಹಿ ಮಾಹಿತಿಗಳು

< September 2020 >
Mo Tu We Th Fr Sa Su
  1 2 3 4 5 6
8 9 10 11 12 13
14 15 16 17 18 19 20
21 22 23 24 25 26 27
28 29 30        
Monday, 07 September 2020
ಪತ್ರಿಕಾ ಪ್ರಕಟಣೆ ದಿ:07/09/20

: : ಪತ್ರಿಕಾ ಪ್ರಕಟಣೆ ::

ದಿನಾಂಕ: 07/09/2020

ಆಫೀಮು ಮಾರಾಟ ಮಾಡುತ್ತಿದ್ದ ಆರೋಪಿಗಳ ಬಂಧನ

ದಿನಾಂಕ:07/09/2020 ರಂದು ತುಮಕೂರು ನಗರ ಪೊಲೀಸ್‌‌‌‌ ವೃತ್ತ ನಿರೀಕ್ಷಕರಾದ ನವೀನ್.ಬಿ ರವರಿಗೆ ಬಂದ ಖಚಿತ ಮಾಹಿತಿ ಮೇರೆಗೆ ಮದ್ಯಾಹ್ನ 11:30 ಗಂಟೆಯಲ್ಲಿ ತುಮಕೂರು ಟೌನ್ ಬಿ.ಜಿ.ಪಾಳ್ಯ ವೃತ್ತ-ಸಂತೆಪೇಟೆ ಮಾರ್ಗದ ರಸ್ತೆಯಲ್ಲಿನ ಅಭಯ ಆಂಜನೇಯ ಸ್ವಾಮಿ ದೇವಸ್ಥಾನದ ಪಕ್ಕದಲ್ಲಿ ಇರುವ ಹನುಮಂತರಾಯಪ್ಪ ಎಂಬುವವರ ಮಾಲೀಕತ್ವದ ಮನೆಗೆ ಮೇಲಾಧಿಕಾರಿಗಳ ಅನುಮತಿ ಮೇರೆಗೆ ತಾಲ್ಲೂಕು ದಂಡಾಧಿಕಾರಿಗಳಾದ ಶ್ರೀ ಮೋಹನ್ ಕುಮಾರ್ ಮತ್ತು ಸರ್ಕಾರಿ ಪಂಚರುಗಳ ಸಮಕ್ಷಮದಲ್ಲಿ ನಿಯಮಾನುಸಾರ ದಾಳಿ ಮಾಡಿ ಕೆಳಕಂಡ ಆರೋಪಿಗಳನ್ನು‌ ವಶಕ್ಕೆ ಪಡೆದು, ಮಾದಕ ವಸ್ತುವಾದ ಅಫೀಮನ್ನು ಕಾನೂನು ಬಾಹಿರವಾಗಿ ಮಾರಾಟ ಮಾಡಿ ಲಾಭ ಗಳಿಸುವ ಉದ್ದೇಶದಿಂದ ಪ್ರತ್ಯೇಕವಾಗಿ ಎರಡು ಪ್ಲಾಸ್ಟಿಕ್‌‌‌‌ ಕವರ್ ಮತ್ತು ಪೇಪರ್ ನಲ್ಲಿ ಸುತ್ತಿ ಇಟ್ಟಿದ್ದ 1 ಕೆಜಿ. 511 ಗ್ರಾಂ ತೂಕದ ಒಟ್ಟು ಬೆಲೆ ಸುಮಾರು 3,00,000/-ರೂ [ಮೂರು ಲಕ್ಷ ] ಅಫೀಮ್ ಅನ್ನು ಆರೋಪಿಗಳ ಕಡೆಯಿಂದ ಅಮಾನತ್ತುಪಡಿಸಿಕೊಂಡು ಆಸಾಮಿಗಳ ವಿರುದ್ದ ತುಮಕೂರು ನಗರ ಪೊಲೀಸ್ ಠಾಣಾ ಮೊ.ನಂ. 121/2020 ಕಲಂ 17(ಬಿ) ಎನ್‌.ಡಿ.ಪಿ.ಎಸ್ ಆಕ್ಟ್‌ ರೀತ್ಯಾ ಪ್ರಕರಣ ದಾಖಲಿಸಿ  ಕಾನೂನು ರೀತ್ಯಾ ಕ್ರಮ ಕೈಗೊಂಡಿರುತ್ತೆ.

ಆರೋಪಿಗಳ ವಿವರ

1) ರಾಜು ರಾಮ್ ಬಿನ್ ಮಾನಕ್‌ ರಾಮ್, 32 ವರ್ಷ, ವ್ಯವಸಾಯ, ವಾಸ ಮೂಲರಾಜ್ ಗ್ರಾಮ, ಲೋಹವಟ್‌‌ ತಾಲ್ಲೂಕ್, ಜೋದ್‌ಪುರ್ ಜಿಲ್ಲೆ ರಾಜಸ್ಥಾನ.

2) ನರಸಿರಾಮ್ ಬಿನ್ ಭೀಮ್‌ ರಾಮ್, 34 ವರ್ಷ, ರೈಲಿಂಗ್ಸ್‌ ವ್ಯಾಪಾರ, ಹಾಲಿ ವಾಸ ಭಗವತಿ ಲೇಔಟ್, ಶಿರಾಗೇಟ್‌, ತುಮಕೂರು ಸ್ವಂತ ಊರು ಡಬಲ್‌ ಗ್ರಾಮ, ಸಾಂಚೋ ತಾಲ್ಲೂಕ್, ಜಾಲೂರು ಜಿಲ್ಲೆ ರಾಜಾಸ್ಥಾನ.

ಸದರಿ ಪ್ರಕರಣದ ಆರೋಪಿಗಳು ಮತ್ತು ಅಫೀಮ್‌‌ ಅನ್ನು ಪತ್ತೆ ಹಚ್ಚಲು ಶ್ರಮಿಸಿದ ಉದೇಶ ಟಿ.ಜೆ. ಕೆ.ಎಸ್.ಪಿ.ಎಸ್. ಹೆಚ್ಚುವರಿ ಪೊಲೀಸ್ ಅಧೀಕ್ಷಕರು ರವರ ಮಾರ್ಗದರ್ಶನದಲ್ಲಿ,  ಪ್ರೋಬೇಶನರಿ ಐ.ಪಿ.ಎಸ್ ಅಧಿಕಾರಿಯಾದ ಶ್ರೀಮತಿ ಕನ್ನಿಕಾ ಅಗರ್‌ವಾಲ್, ನವೀನ.ಬಿ. ಸಿ.ಪಿ.ಐ. ತುಮಕೂರು ನಗರ ವೃತ್ತ ರವರುಗಳ ನೇತೃತ್ವದಲ್ಲಿ ಪಿ.ಎಸ್.ಐ. ಮಂಜುನಾಥ ಬಿ.ಸಿ, ಎ.ಎಸ್‌.ಐ ರಮೇಶ್‌, ಮತ್ತು ಸಿಬ್ಬಂದಿಗಳಾದ ಈರಣ್ಣ, ಏಜಾಜ್, ನಾಗರಾಜು, ಜಗದೀಶ್‌, ರಾಜಣ್ಣ, ಜೈಪ್ರಕಾಶ್, ನವೀನ್‌ಕುಮಾರ್, ರಾಮಚಂದ್ರಯ್ಯ, ಮತ್ತು ಶಿವಶಂಕರ್ ರವರುಗಳ ತಂಡವನ್ನು ಜಿಲ್ಲಾ ಪೊಲೀಸ್ ಅಧೀಕ್ಷಕರಾದ ಡಾ.ಕೆ.ವಂಸಿಕೃಷ್ಣ ಐ.ಪಿ.ಎಸ್. ರವರು ಅಭಿನಂದಿಸಿರುತ್ತಾರೆ.


ಮಾದಕ ವಸ್ತು ಗಾಂಜಾ ಸೊಪ್ಪು ಸಾಗಾಣೆ ಮಾಡುತ್ತಿದ್ದ ನಾಲ್ವರ ಬಂಧನ.

 

ದಿನಾಂಕ:07/09/2020 ರಂದು  ಕೊರಟಗೆರೆ ಪೊಲೀಸ್ ಠಾಣಾ ವ್ಯಾಪ್ತಿಯ ಜಂಪೇನಹಳ್ಳಿ ಕ್ರಾಸ್ ಮಾರುತಿ ಡಾಬಾ ಮುಂಭಾಗ  ಮತ್ತು ಕೋರಾ ಠಾಣೆ ಸರಹದ್ದಿನ ಹನುಮಂತಗಿರಿಯಲ್ಲಿ ಹೊಸದಾಗಿ ನಿರ್ಮಿಸುತ್ತಿರುವ ತಿಗಳರ ಸಮುದಾಯ ಭವನದ ಮುಂಭಾಗದ ಜಾಗದಲ್ಲಿ ಅಕ್ರಮವಾಗಿ ಗಾಂಜಾ ಸೊಪ್ಪನ್ನು ಸಾಗಾಣಿಕೆ ಮಾಡುತ್ತಿದ್ದ ಒಟ್ಟು ನಾಲ್ಕು ಜನ ಆರೋಪಿಗಳನ್ನು ಬಂಧಿಸಿದ್ದು,  ಸದರಿಯವರಿಂದ  2 ½ ಕೆಜಿ ಗಾಂಜಾ ಸೊಪ್ಪನ್ನು ವಶಪಡಿಸಿಕೊಂಡು ಸಿಇಎನ್ ಪೊಲೀಸ್ ಠಾಣೆ ಮತ್ತು ಕೋರಾ ಪೊಲೀಸ್ ಠಾಣೆಯಲ್ಲಿ ಎರಡು ಪ್ರತ್ಯೇಕ ಪ್ರಕರಣಗಳನ್ನು ದಾಖಲು ಮಾಡಿ ಕಾನೂನು ರೀತ್ಯಾ ಕ್ರಮ ಕೈಗೊಂಡಿರುತ್ತೆ. ಬಂಧಿತರಲ್ಲಿ ರಾಮಾಂಜಿ @ ಚಿನ್ನರಾಮಾಂಜಿ ಈತನು ಚಿಕ್ಕಬಳ್ಳಾಪುರ ಜಿಲ್ಲೆ ಶಿಡ್ಲಘಟ್ಟ ತಾಲ್ಲೂಕು ಗಂಜಲಗುಂಟೆ ಗ್ರಾಮದ ವಾಸಿ ಮಾರಪ್ಪ ಎಂಬಾತನಿಂದ ಗಾಂಜಾ ಸೊಪ್ಪನ್ನು ಖರೀದಿಸಿ ತುಮಕೂರು, ಕೊರಟಗೆರೆ, ಶಿರಾ ಮಧುಗಿರಿ ಸುತ್ತ ಮುತ್ತ ಮಾರಾಟ ಮಾಡುತ್ತಿದ್ದಾಗಿ ತಿಳಿದು ಬಂದಿದೆ.

ಆರೋಪಿಗಳ ವಿವರ

1)      ಮಂಜುನಾಥ್ ಜಿ @ ರವಿ ಬಿನ್ ಗಂಗರಾಮಯ್ಯ, 38 ವರ್ಷ, ವ್ಯಾಪಾರ, 7ನೇ ಕ್ರಾಸ್, ಉಪ್ಪಾರಹಳ್ಳಿ, ತುಮಕೂರು

2)     ಮುನಿರಾಜು ಬಿನ್ ಕೃಷ್ಣಪ್ಪ, 20 ವರ್ಷ, ಕೂಲಿಕೆಲಸ, ಕನಕಾ ಪೇಂಟ್ಸ್ ಹಿಂಭಾಗ, ಸದಾಶಿವನಗರ, ತುಮಕೂರು ಟೌನ್

3)     ಚಿನ್ನರಾಮಾಂಜಿ ಬಿನ್ ನಾರಾಯಣಪ್ಪ, 34 ವರ್ಷ, ತೋರಣದ ವ್ಯಾಪಾರ, ಭೋವಿ ಕಾಲೋನಿ, ಕೊರಟಗೆರೆ ಟೌನ್

4)    ಸೀತಾರಾಮಯ್ಯ ಬಿನ್ ಹನುಮಂತನಾಯಕ ಲೇಟ್, 66 ವರ್ಷ, ಮಲ್ಲೇಕಾವು, ಸಿ.ಎನ್ ದುರ್ಗ ಹೋಬಳಿ, ಕೊರಟಗೆರೆ ತಾಲ್ಲೂಕು.

5)     ಮಾರಪ್ಪ (ಈತನು ತಲೆಮರೆಸಿಕೊಂಡಿದ್ದು, ಈತನ ಪತ್ತೆ ಕಾರ್ಯ ಮುಂದುವರೆದಿರುತ್ತೆ)

ಸದರಿ ಪ್ರಕರಣದ ಆರೋಪಿಯನ್ನು ಪತ್ತೆ ಹಚ್ಚಲು ಶ್ರಮಿಸಿದ ಉದೇಶ ಟಿ.ಜೆ. ಕೆ.ಎಸ್.ಪಿ.ಎಸ್. ಹೆಚ್ಚುವರಿ ಪೊಲೀಸ್ ಅಧೀಕ್ಷಕರು ಮತ್ತು ಸೂರ್ಯನಾರಾಯಣ್, ಡಿ.ಎಸ್.ಪಿ ಡಿ.ಸಿ.ಆರ್‌.ಬಿ. ರವರುಗಳ ಮಾರ್ಗದರ್ಶನದಲ್ಲಿ,  ಸಿಇಎನ್ ಠಾಣಾ ಇನ್ಸ್ ಪೆಕ್ಟರ್ ಎಂ.ವಿ ಶೇಷಾದ್ರಿ, ಕೋರಾ ಪಿ.ಎಸ್.ಐ ಹರೀಶ್, ಸಿಇಎನ್ ಠಾಣಾ ಪಿ.ಎಸ್.ಐ  ಶಮೀನ್ ಹಾಗೂ ಸಿಬ್ಬಂದಿಗಳಾದ ನಾಗರಾಜು.ಎಸ್, ಅಯೂಬ್ ಜಾನ್, ರಮೇಶ್, ಶಿವಶಂಕರ್, ಮಲ್ಲೇಶ್ , ರಮೇಶ್, ಶ್ರೀನಿವಾಸ್, ಕರೀಂ ಪಾಷ ರವರುಗಳ ತಂಡವನ್ನು  ಜಿಲ್ಲಾ ಪೊಲೀಸ್ ಅಧೀಕ್ಷಕರಾದ ಡಾ.ಕೆ.ವಂಸಿಕೃಷ್ಣ ಐ.ಪಿ.ಎಸ್. ರವರು ಅಭಿನಂದಿಸಿರುತ್ತಾರೆ.


ಅಪರಾಧ ಘಟನೆಗಳು 07-09-20

ಜಯನಗರ ಪೊಲೀಸ್ ಠಾಣಾ ಯುಡಿಆರ್.ನಂ. 22/2020 ಕಲಂ 174 ಸಿಆರ್ ಪಿಸಿ

ದಿನಾಂಕ: 06/09/2020 ರಂದು ರಾತ್ರಿ 08-00 ಗಂಟೆಯಲ್ಲಿ ತುಮಕುರು ಟೌನ್‍, ಉಪ್ಪಾರಹಳ್ಳಿ ವಾಸಿ ಲಕ್ಷ್ಮೀನಾರಾಯಣ ಬಿನ್ ಲಕ್ಷ್ಮೀನರಸಿಂಹಯ್ಯ ರವರು ಠಾಣೆಗೆ ಹಾಜರಾಗಿ ನೀಡಿದ ಕಂಪ್ಯೂಟರ್ ಮುದ್ರಿತ ದೂರಿನ ಅಂಶವೇನೆಂದರೆ, ಈ ದಿನ ದಿನಾಂಕ: 06/09/2020 ರಂದು ಸುಮಾರು 5-30 ಗಂಟೆ ಸಮಯದಲ್ಲಿ ಉಪ್ಪಾರಹಳ್ಳಿ ಫ್ಲೈಓವರ್ ಕೆಳಗೆ ಜನರು ಗುಂಪು ಸೇರಿದ್ದು, ಏನೆಂದು ನೋಡಲು ನಾನು ಅಲ್ಲಿಗೆ ಹೋದಾಗ ಉಪ್ಪಾರಹಳ್ಳಿ ವಾಸಿ ಗಾರೆ ಕೆಲಸ ಮಾಡುವ ಸುರೇಶ ಬಿನ್ ಲೇಟ್ ಸಿದ್ದಪ್ಪರವರ ಜೊತೆಯಲ್ಲಿ ಅಲ್ಲಿ ಇಲ್ಲಿ ಗಾರೆ ಕೆಲಸ ಮಾಡಿಕೊಂಡು ಸುರೇಶನ ಜೊತೆಯಲ್ಲಿಯೇ ಈಗ್ಗೆ ಸುಮಾರು 2 ವರ್ಷಗಳಿಂದ ಓಡಾಡಿಕೊಂಡಿದ್ದ ಹೆಂಗಸು ಆಯಿಶಾ ಬಿನ್ ಫಾತಿಮಳು ಉಪ್ಪಾರಹಳ್ಳಿ ಫ್ಲೈಓವರ್ ಕೆಳಗೆ ರಸ್ತೆಯ ಡಿವೈಡರ್ ಕಟ್ಟೆಯ ಪಕ್ಕ ಮಲಗಿದ್ದ ಸ್ಥಳದಲ್ಲಿಯೇ ಮಧ್ಯಾಹ್ನ ಯಾವಾಗಲೋ ಮೃತಪಟ್ಟಿದ್ದಳು. ಈಕೆಯು ಯಾವುದೋ ಖಾಯಿಲೆಯಿಂದ ನರಳಿ ಮೃತಪಟ್ಟಿರುವಂತೆ ಕಂಡು ಬಂದಿರುತ್ತೆ. ಆಯಿಶಾಳ ತಂದೆ ತಾಯಿ ಹಾಗೂ ಆಕೆಯ ರಕ್ತ ಸಂಬಂಧಿಕರು ಯಾರೂ ಇರುವುದಿಲ್ಲ. ಸುಮಾರು 2 ವರ್ಷಗಳಿಂದ ಸುರೇಶನ ಜೊತೆಯಲ್ಲಿಯೇ ಉಪ್ಪಾರಹಳ್ಳಿ ಪಾರ್ಕ್‌ಹತ್ತಿರ ಒಂದು ಶೆಡ್‌ನಲ್ಲಿ ವಾಸವಾಗಿದ್ದಳು. ಆದ್ದರಿಂದ ತಾವು ಸ್ಥಳ ಪರಿಶೀಲನೆ ಮಾಡಿ ಮೃತಳ ಶವವನ್ನು ಪರಿಶೀಲಿಸಿ ಮುಂದಿನ ಕಾನೂನು ಕ್ರಮ ಜರುಗಿಸುವಂತೆ ಪಿರ್ಯಾದು ಅಂಶವಾಗಿರುತ್ತೆ.

 

ಮಿಡಿಗೇಶಿ ಪೊಲೀಸ್ ಠಾಣೆ ಮೊ.ನಂ-81/2020 ಕಲಂ:279, 337, 304(ಎ) ಸಿಆರ್.ಪಿ.ಸಿ.

ದಿನಾಂಕ:06/09/2020 ರಂದು ಮಧ್ಯಾಹ್ನ   ಗಂಟೆಗೆ ಪಿರ್ಯಾದಿ ಪಿ.ವಿ. ಸುರೇಶ್ ಕುಮಾರ್ ಬಿನ್ ಪಿ.ವಿ ಕೃಷ್ಣಾರೆಡ್ಡಿ, 30 ವರ್ಷ, ರೆಡ್ಡಿ ಜನಾಂಗ, ಪಾಪಸಾನಪಲ್ಲಿ ಗ್ರಾಮ,ಮಡಕಶಿರಾ ತಾಲ್ಲೂಕು, ರವರು ಠಾಣೆಗೆ ಹಾಜರಾಗಿ ನೀಡಿದ ದೂರಿನ ಅಂಶವೇನೆಂದರೆ ನನ್ನ ದೊಡ್ಡಪ್ಪ ಪಿ.ವಿ. ಜಯರಾಮರೆಡ್ಡಿ ಬಿನ್ ಲೇ|| ವೆಂಕಟರೆಡ್ಡಿ ಮತ್ತು ನನ್ನ ದೊಡ್ಡಮ್ಮ ಲಕ್ಷ್ಮೀದೇವಮ್ಮ ಇಬ್ಬರೂ ಕೆಲಸದ ನಿಮಿತ್ತ ಮಧುಗಿರಿ ತಾಲ್ಲೂಕಿನ ಹನುಮಂತಪುರ ಗ್ರಾಮಕ್ಕೆ ಬರಲು ಈ ದಿನ ಬೆಳಿಗ್ಗೆ 09-15 ಗಂಟೆಯಲ್ಲಿ  ಕೆಎ-64-ಆರ್-5478 ನೇ ಡಿಯೋ ದ್ವಿಚಕ್ರ ವಾಹನದಲ್ಲಿ ಊರಿನಿಂದ ಬಂದಿದ್ದರು. ನಂತರ ಇದೇ ದಿನ ಬೆಳಿಗ್ಗೆ ಸುಮಾರು 09-30 ಗಂಟೆಗೆ ಚಂದ್ರಬಾವಿ ಗ್ರಾಮದ ಅನಿಲ್ ಕುಮಾರ್ ರವರು ನನಗೆ ಪೋನ್ ಮಾಡಿ ನಿಮ್ಮ ಸಂಬಂದಿ ಜಯರಾಮರೆಡ್ಡಿ ಮತ್ತು ಅವರ ಹೆಂಡತಿ ಲಕ್ಷ್ಮೀದೇವಮ್ಮರವರಿಗೆ ನಮ್ಮೂರಿನ ಹತ್ತಿರ ಆಕ್ಸಿಡೆಂಟ್ ಆಗಿದೆ ನೀವು ಬೇಗ ಬನ್ನಿ ಎಂತ ತಿಳಿಸಿದರು. ಅಷ್ಠರಲ್ಲಿ ಕೆಲಸದ ನಿಮಿತ್ತ ಚಂದ್ರಬಾವಿಗೆ ಬರುತ್ತಿದ್ದ ನಾನು ಕೂಡಲೇ ಸ್ಥಳಕ್ಕೆ ಬಂದು ನೋಡಲಾಗಿ ವಿಚಾರ ನಿಜವಾಗಿದ್ದು ನನ್ನ ದೊಡ್ಡಪ್ಪ ಜಯರಾಮರೆಡ್ಡಿರವರ ಬಲಮೊಣಕಾಲಿಗೆ ,ಎಡಕಾಲಿನ ಮಂಡಿಗೆ ಹಾಗೂ ಮುಖಕ್ಕೆ  ಪೆಟ್ಟುಗಳು ಬಿದ್ದು ರಕ್ತ ಗಾಯಗಳಾಗಿದ್ದವು. ನನ್ನ ದೊಡ್ಡಮ್ಮ ಲಕ್ಷ್ಮೀದೇವಮ್ಮನಿಗೆ ಬಲಭುಜಕ್ಕೆ ಸೊಂಟಕ್ಕೆ ಮುಖಕ್ಕೆ ಪೆಟ್ಟುಗಳು ಬಿದ್ದು ರಕ್ತ ಗಾಯಗಳಾಗಿದ್ದವರನ್ನು ಅಪಘಾತ ಪಡಿಸಿದ ವ್ಯಾನಿನ ಚಾಲಕ ವೇಣುಗೋಪಾಲ್ ಮತ್ತು ಅನಿಲ್ ಕುಮಾರ್ ರವರುಗಳು ಉಪಚರಿಸುತ್ತಿದ್ದರು. ನಂತರ ಅಪಘಾತದ ವಿಚಾರವನ್ನು ಅನಿಲ್ ಕುಮಾರ್ ರವರಿಂದ ತಿಳಿಯಲಾಗಿ ಈ ದಿನ ಬೆಳಿಗ್ಗೆ ನಿನ್ನ ದೊಡ್ಡಪ್ಪ ನಿನ್ನ ದೊಡ್ಡಮ್ಮನನ್ನು ಮೇಲ್ಕಂಡ ದ್ವಿಚಕ್ರ ವಾಹನದಲ್ಲಿ ಕೂರಿಸಿಕೊಂಡು ನೀಲಕಂಠಾಪುರ  ರಸ್ತೆಯಲ್ಲಿ ಬಂದವರು ಮಧುಗಿರಿ ಕಡೆಗೆ ಹೋಗಲು  ಮಧುಗಿರಿ ಪಾವಗಡ ರಸ್ತೆಗೆ ತಿರುಗಿಕೊಂಡು ಹೋಗುತ್ತಿರುವಾಗ ಮಧುಗಿರಿ ಕಡೆಯಿಂದ ಅದೇ ರಸ್ತೆಯಲ್ಲಿ ಎದುರಿಗೆ ಬಂದ  ಕೆಎ-06-ಎಂ-8784 ನೇ ಓಮಿನಿ ವ್ಯಾನಿನ ಚಾಲಕ ತನ್ನ ವಾಹನವನ್ನು ಅತಿ ಜೋರಾಗಿ ಮತ್ತು ಅಡ್ಡಾದಿಡ್ಡಿಯಾಗಿ ಓಡಿಸಿಕೊಂಡು ಬಂದು ನಿನ್ನ ದೊಡ್ಡಪ್ಪ ಓಡಿಸಿಕೊಂಡು ಹೋಗುತ್ತಿದ್ದ ಡಿಯೋ ವಾಹನಕ್ಕೆ ಡಿಕ್ಕಿ ಹೊಡೆಸಿದನೆಂತ ತಿಳಿಸಿದರು. ಅಷ್ಠರಲ್ಲಿ ವಿಚಾರ ತಿಳಿದು ಸ್ಥಳಕ್ಕೆ ಬಂದ ಕೆಶಿಪ್ ಆಂಬ್ಯೂಲೆನ್ಸ್ ನಲ್ಲಿ ನನ್ನ ದೊಡ್ಡಪ್ಪ ಮತ್ತು ದೊಡ್ಡಮ್ಮ ನನ್ನು ಚಿಕಿತ್ಸೆಗಾಗಿ ಮಧುಗಿರಿ ಸರ್ಕಾರಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಚಿಕಿತ್ಸೆ ಕೊಡಿಸಿಕೊಂಡು ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ತುಮಕೂರಿಗೆ ಕರೆದುಕೊಂಡು ಹೋಗಿ ಎಂ.ಸಿ. ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ನಮ್ಮ ದೊಡ್ಡಮ್ಮನನ್ನು ಎಂ,ಸಿ. ಆಸ್ಪತ್ರೆಗೆ ಸೇರಿಸಿ ಹೆಚ್ಚಿನ ಗಾಯಗಳಾಗಿದ್ದ ನಮ್ಮ ದೊಡ್ಡಪ್ಪನನ್ನು ಸಿದ್ದಗಂಗಾ ಆಸ್ಪತ್ರೆಗೆ ಕರೆದುಕೊಂಡು ಹೋದಾಗ ಅವರನ್ನು ಪರಿಕ್ಷಿಸಿದ ವೈದ್ಯರು ಮೃತ ಪಟ್ಟಿರುತ್ತಾರೆಂದು ತಿಳಿಸಿದ್ದರಿಂದ ಅವರ ಶವವನ್ನು ಮಧುಗಿರಿ ಸರ್ಕಾರಿ ಆಸ್ಪತ್ರೆ ಶವಾಗಾರಕ್ಕೆ ತಂದಿಟ್ಟಿರುತ್ತೇವೆ. ಆದ್ದರಿಂದ ಈ ಅಪಘಾತ ಉಂಟು ಮಾಡಿ ನಮ್ಮ ದೊಡ್ಡಪ್ಪನ ಸಾವಿಗೆ ಕಾರಣನಾದ ಮೇಲ್ಕಂಡ ಕೆಎ-06-ಎಂ-8784 ನೇ ಓಮಿನಿ ವ್ಯಾನಿನ ಚಾಲಕ ವೇಣು ಗೋಪಾಲ್ ರವರ ಮೇಲೆ ಕಾನೂನು ರೀತಿಯ ಕ್ರಮ ಜರುಗಿಸಬೇಕೆಂದು ನೀಡಿದ ದೂರಿನ ಅಂಶವಾಗಿರುತ್ತೆ.

 

ಹೆಬ್ಬೂರು  ಪೊಲೀಸ್ ಠಾಣಾ ಮೊ ನಂ-128/2020 ಕಲಂ 279,337 ಐಪಿಸಿ ರೆ/ವಿ 187 ಐಎಂವಿ ಆಕ್ಟ್

ದಿನಾಂಕ-06/09/2020 ರಂದು ಹೆಬ್ಬೂರು ಪೊಲೀಸ್ ಠಾಣಾ ಎ ಎಸ್ ಐ ನರಸಿಂಹರಾಜು ಎಸ್ ಸಿ ರವರು ತುಮಕೂರಿನ ಹೇಮಾವತಿ ಆಸ್ಪತ್ರೆಯಲ್ಲಿ ಒಳರೋಗಿಯಾಗಿ ಚಿಕಿತ್ಸೆ ಪಡೆಯುತ್ತಿರುವ ಗಾಯಾಳು ಬ್ರುಹಾನ್ ಪಾಷ ಬಿನ್ ನಜೀರ್ ಸಾಬ್, 26 ವರ್ಷ, ಮುಸ್ಲಿಂ ಜನಾಂಗ, ಪ್ಯಾಸೆಂಜರ್ ಆಟೋ ಚಾಲಕ, ವಾಸ ಬೆಳಗುಂಬ, ಕಸಬಾ ಹೋಬಳಿ, ತುಮಕೂರು ತಾಲ್ಲೂಕು & ಜಿಲ್ಲೆ ದೂ.ನಂ-9620546251 ರವರು ಈ ದಿನ ವೈಧ್ಯರ ಸಮಕ್ಷಮ ನೀಡಿದ ಹೇಳಿಕೆ ಏನೆಂದರೆ ನಾನು ಮೇಲ್ಕಂಡ ವಿಳಾಸದಲ್ಲಿ ನಮ್ಮ ತಂದೆ ತಾಯಿಯೊಂದಿಗೆ ಸಂಸಾರ ಸಮೇತ ವಾಸವಾಗಿರುತ್ತೇನೆ, ನಾನು ಸುಮಾರು 05 ವರ್ಷಗಳ ಹಿಂದೆ ನನ್ನ ಚಿಕ್ಕಪ್ಪ ಅಬ್ದುಲ್ ಸಾಬ್ ರವರ ಹೆಸರಿನಲ್ಲಿರುವ ಕೆಎ-06-ಡಿ-5015 ನೇ ನಂಬರಿನ ಪ್ಯಾಸೆಂಜರ್ ಆಟೋವನ್ನು ಅವರಿಂದ ಬಾಡಿಗೆಗೆ ಪಡೆದು ದಿನಾಲೂ ಓಡಿಸಿಕೊಂಡಿರುತ್ತೇನೆ, ದಿನಾಂಕ-02/09/2020 ರಂದು ಬೆಳಿಗ್ಗೆ 8-00 ಗಂಟೆಗೆ ಮನೆ ಬಿಟ್ಟು ಕೆಎ-06-ಡಿ-5015 ನೇ ಆಟೋವನ್ನು ತೆಗೆದುಕೊಂಡು ತುಮಕೂರು ಟೌನ್ ನಲ್ಲಿ ಬಾಡಿಗೆ ಹೊಡೆಯಲು ಹೋಗಿದ್ದು ಇದೇ ದಿನ ಸಂಜೆ 6-00 ಗಂಟೆ ಸಮಯಕ್ಕೆ ನನಗೆ ಪರಿಚಯವಿರುವ ನಾಗವಲ್ಲಿ ಗ್ರಾಮದ ಬಳಿ ಇರುವ ಹೊನ್ನೇನಹಳ್ಳಿ ಗ್ರಾಮದ ಸಿದ್ದರಾಜು ಎಂಬುವವರು ಪೋನ್ ಮಾಡಿ ನನಗೆ ಉಷಾರಿಲ್ಲ ಆಸ್ಪತ್ರೆಗೆ ನನ್ನನ್ನು ತುಮಕೂರಿಗೆ ಕರೆದುಕೊಂಡು ಹೋಗು ಎಂತಾ ತಿಳಿಸಿದ್ದು, ನಾನು ಸಿದ್ದರಾಜುವನ್ನು ಅವರ ಊರಿನಿಂದ ತುಮಕೂರಿಗೆ ಕರೆದುಕೊಂಡು ಬರಲೆಂದು ನನ್ನ ಬಳಿ ಇರುವ ಆಟೋವನ್ನು ಚಾಲನೆ ಮಾಡಿಕೊಂಡು ತುಮಕೂರನ್ನು ಸಂಜೆ 6-30 ಗಂಟೆಗೆ ಬಿಟ್ಟು ತುಮಕೂರು ಕುಣಿಗಲ್ ರಸ್ತೆಯಲ್ಲಿ ಹೋಗುತ್ತಿರುವಾಗ್ಗೆ ಹೊನ್ನುಡಿಕೆ ಹ್ಯಾಂಡ್ ಪೋಸ್ಟ್ ಸ್ವಲ್ಪ ಹಿಂದೆ ತುಮಕೂರು ಕಡೆ, ರಸ್ತೆಯ ಎಡಬದಿಯಲ್ಲಿ ಆಟೋವನ್ನು ಚಾಲನೆ ಮಾಡಿಕೊಂಡು ಹೋಗುತ್ತಿರುವಾಗ್ಗೆ ಹೊನ್ನುಡಿಕೆ ಹ್ಯಾಂಡ್ ಪೋಸ್ಟ್ ಬಳಿ ಇರುವ ದುರ್ಗಾ ಪರಮೇಶ್ವರಿ ದೇವಸ್ಥಾನದ ಒಳಗಿನಿಂದ ಒಂದು ಕಾರನ್ನು ಅದರ ಚಾಲಕ ಕುಣಿಗಲ್ ತುಮಕೂರು ರಸ್ತೆಗೆ ಅತಿವೇಗವಾಗಿ ಅಜಾಗರೂಕತೆಯಿಂದ ಓಡಿಸಿಕೊಂಡು ಬಂದು ನಾನು ಹೋಗುತ್ತಿದ್ದ ಆಟೋದ ಮುಂಭಾಗಕ್ಕೆ ಡಿಕ್ಕಿ ಹೊಡೆಸಿದ ಪರಿಣಾಮ ನಾನು ಆಟೋ ಸಮೇತ ಟಾರ್ ರಸ್ತೆಯ ಪಕ್ಕಕ್ಕೆ ಬಿದ್ದಿದ್ದು ನೋಡಲಾಗಿ ನನಗೆ ಎಡಕೈಗೆ ಬಲವಾದ ಏಟು ಬಿದ್ದಿದ್ದು, ಎಡಕೆನ್ನೆ ಹುಬ್ಬು ಹಾಗೂ ಕಣ್ಣಿನ ಹುಬ್ಬಿಗೆ ರಕ್ತಗಾಯವಾಗಿ ಬೆನ್ನಿಗೆ ಮೂಗೇಟು ಬಿದ್ದಿದ್ದು ಆಟೋ ಪೂರಾ ಜಖಂ ಆಗಿದ್ದು ಆಗ ಸಮಯ ಸಂಜೆ ಸುಮಾರು 7-00 ಗಂಟೆ ಆಗಿದ್ದು ಅಪಘಾತ ಪಡಿಸಿದ ಕಾರನ್ನು ನೋಡಲಾಗಿ ಕೆಂಪುಬಣ್ಣದ ಕಾರಾಗಿದ್ದು ಅದರ ನಂಬರ್ ನೋಡಲಾಗಿ ಕೆಎ-06-ಎಂ-8593 ಆಗಿದ್ದು ಅದರಲ್ಲಿದ್ದವರಿಗೆ ಯಾವುದೇ ರಕ್ತಗಾಯಗಳಾಗಿರುವುದಿಲ್ಲ, ಚಾಲಕ ಹೆಸರು ತಿಳಿಯಲಿಲ್ಲ ನನಗೆ ಅಪಘಾತ ಪಡಿಸಿದ ಕಾರಿನ ಚಾಲಕ ಉಪಚರಿಸಿದೇ ಕಾರನ್ನು ಸ್ಥಳದಿಂದ ತೆಗೆದುಕೊಂಡು ಹೊರಟು ಹೋದ. ನಂತರ ನಮ್ಮ ಅಣ್ಣ ಸೈಯರ್ ಪಾಷ ರವರಿಗೆ ಫೋನ್ ಮಾಡಿ ಸ್ಥಳಕ್ಕೆ ಕರೆಸಿಕೊಂಡು ಯಾವುದೋ ಖಾಸಗಿ ವಾಹನದಲ್ಲಿ ಸಾರ್ವಜನಿಕರ ಸಹಾಯದಿಂದ ತುಮಕೂರು ಜಿಲ್ಲಾ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದರು. ನಂತರ ಸರ್ಕಾರಿ ಆಸ್ಪತ್ರೆಯಿಂದ ಎಲ್ಲಿಹೋದರೆಂತ ತಿಳಿಯಲಿಲ್ಲ, ನಂತರ ನನಗೆ ದಿನಾಂಕ-04/09/2020 ರಂದು ಸಂಜೆ ಪ್ರಜ್ಞೆ ಬಂದಾಗ ತುಮಕೂರಿನ ಹೇಮಾವತಿ ಆಸ್ಪತ್ರೆಯಲ್ಲಿ ಒಳರೋಗಿಯಾಗಿ ಚಿಕಿತ್ಸೆಪಡೆಯುತ್ತಿರುವುದಾಗಿ ತಿಳಿಯಿತು, ಆದ್ದರಿಂದ ದಿನಾಂಕ-02/09/2020 ರಂದು ಸಂಜೆ 7-00 ಗಂಟೆ ಸಮಯದಲ್ಲಿ ನನಗೆ ಅಪಘಾತ ಪಡಿಸಿ ರಕ್ತಗಾಯಪಡಿಸಿ ನೋವುಂಟು ಮಾಡಿ ನಿಲ್ಲಿಸದೇ ಹೊರಟುಹೋಗಿರುವ ಕೆಎ-06-ಎಂ-8593 ನೇ ಕಾರಿನ ಚಾಲಕನ ಮೇಲೆ ಕಾನೂನು ರೀತ್ಯಾ ಕ್ರಮ ಜರುಗಿಸಿಬೇಕೆಂದು ನನ್ನ ಹೇಳಿಕೆ ನೀಡಿರುತ್ತೇನೆ, ಅಪಘಾತಕ್ಕೋಳಗಾದ ನನ್ನ ಆಟೋ ಪಚ್ಚೇಗೌಡರವರ ಪಂಚರ್ ಅಂಗಡಿಯ ಮುಂಭಾಗ ಇರುತ್ತೆ ಎಂತಾ ನೀಡಿದ ಹೇಳಿಕೆಯನ್ನು ಪಡೆದು ಮಧ್ಯಾಹ್ನ 1-30 ಗಂಟೆಗೆ ಹಾಜರುಪಡಿಸಿದ್ದನ್ನು ಪಡೆದು ಠಾಣಾ ಮೊ ನಂ-128/2020 ಕಲಂ 279,337 ಐಪಿಸಿ ರೆ/ವಿ 187 ಐಎಂವಿ ಆಕ್ಟ್ ರೀತ್ಯಾ ಪ್ರಕರಣ ದಾಖಲಿಸಿರುತ್ತೆ.


ಅಪರಾಧ ಘಟನೆಗಳು 06-09-20

ಮಧುಗಿರಿ ಪೊಲೀಸ್ ಠಾಣಾ CR No:122/2020 ಕಲಂ:454,457,380 IPC

ದಿನಾಂಕ:05-09-2020 ರಂದು ಸಂಜೆ 06-15 ಗಂಟೆಗೆ ಈ ಕೇಸಿನ ಪಿರ್ಯಾದಿ ರೂಪ ಕೋಂ ಶ್ರೀನಿವಾಸ, 29 ವರ್ಷ, ಆದಿಕರ್ನಾಟಕ ಜನಾಂಗ, ಮನೆಕೆಲಸ, ಲಿಂಗೇನಹಳ್ಳಿ,ಮಧುಗಿರಿ ಟೌನ್|| ರವರು ಠಾಣೆಗೆ ಹಾಜರಾಗಿ ನೀಡಿದ ದೂರಿನ ಸಾರಂಶವೇನೆಂದರೆ ಪಿರ್ಯಾದಿಯನ್ನು ದಿನಾಂಕ;10.05.2015 ರಂದು ಮಧುಗಿರಿ ಟೌನ್|| ಲಿಂಗೇನಹಳ್ಳಿಯಲ್ಲಿ ವಾಸವಿರುವ ಶ್ರೀನಿವಾಸ ಎಂಬುವರಿಗೆ ಕೊಟ್ಟು ಮಧುವೆ ಮಾಡಿದ್ದು ಕೆಲ ವರ್ಷಗಳ ಕಾಲ ಜೋತೆಗೆ ಸಂಸಾರ ಮಾಡಿದ ಬಳಿಕ ನನ್ನ ಗಂಡ ನನ್ನ ಜೋತೆಗೆ ಸಂಸಾರ ಮಾಡಲು ಇಚ್ಚಿಸದ ಕಾರಣ ನಾನು ಲಿಂಗೇನಹಳ್ಳಿಯಲ್ಲಿರುವ ನನ್ನ ಮಾವನಾದ ದಾಸಪ್ಪ ರವರಿಗೆ ಸೇರಿರುವ ಮತ್ತೊಂದು ಮನೆಯಲ್ಲಿ ಪ್ರತ್ಯೇಕವಾಗಿ ವಾಸವಾಗಿರುತ್ತೇನೆ.ನನ್ನ ಗಂಡನು ಮಧುಗಿರಿ ಕೋರ್ಟ ನಲ್ಲಿ ವಿವಾಹ ವಿಚ್ಚೇದನ ಸಂಬಂದ ನನ್ನ ಮೇಲೆ ದಾವೆ ಹೂಡಿದ್ದು,ವಿಚಾರಣೆ ಹಂತದಲ್ಲಿರುತ್ತೆ.ನಾನು ದಿನಾಂಕ;05.08.2020 ರಂದು ನನ್ನ ತವರು ಮನೆಯಾದ ಗೆಡ್ಡೆತಿಮ್ಮನಹಳ್ಳಿಗೆ ಹೋಗಿದ್ದು ನಂತರ ನಾನು ದಿನಾಂಕ;28.08.2020 ರಂದು ಬೆಳಗ್ಗೆ;10.30 ಗಂಟೆಗೆ ಲಿಂಗೇನಹಳ್ಳಿಯ ನಾನು ವಾಸವಿರುವ ಮನೆಗೆ ಬಂದು ನೋಡಲಾಗಿ ನನ್ನ ಮನೆಯಲ್ಲಿ ಬೇರೆಯವರು ವಾಸವಿದ್ದರು ಆಗ ನಾನು ಅವರನ್ನು ವಿಚಾರಿಸಿದಾಗ ನಿಮ್ಮ ಅತ್ತೆ ಮಾವ ನಮಗೆ ಬಾಡಿಗೆ ನೀಡಿರುತ್ತಾರೆಂದು ತಿಳಿಸಿದರು, ನಂತರ ನಾನು ಮನೆಯ ಒಳಗೆ ಹೋಗಿ ನೋಡಲಾಗಿ ನನ್ನ ಬಾಬ್ತು ಯಾವುದೇ ಸಾಮಾನುಗಳು ಅಲ್ಲಿರಲಿಲ್ಲ, ನಂತರ ಮನೆಯ ಮೇಲೆ ಹೋಗಿ ನೋಡಲಾಗಿ ನಾನು ನನ್ನ ಮನೆಯಲ್ಲಿ ಇಟ್ಟಿದ್ದ ಬೀರುವು ಮನೆಯ ಮೇಲೆ ತಂದು ಇಟ್ಟಿದ್ದು ಈ ಬೀರಿವಿನ ಬಾಗಿಲು ಹೊಡೆದಿತ್ತು.ನಾನು ಇಲ್ಲದ ಸಮಯವನ್ನು ನೋಡಿಕೊಂಡು ನಾನು ವಾಸವಿದ್ದ ಮನೆ  ಬೀರುವನ್ನು ನನ್ನ ಗಂಡ ಶ್ರೀನಿವಾಸ,ನನ್ನ ಮಾವ ದಾಸಪ್ಪ ನನ್ನ ಅತ್ತೆ ಸಾಕಮ್ಮ ರವರು ಹೊಡೆದುಹಾಕಿ ಬೀರುವಿನಲ್ಲಿದ್ದ 1) ಮೂರುವರೆ ಗ್ರಾಂ ಚಿನ್ನದ ಉಂಗುರ, ಬೆಲೆ 10000.00,2)28 ಗ್ರಾಂ ಚಿನ್ನದ ಚೈನ್ ಬೆಲೆ 85000.00,3)109 ಗ್ರಾಂ ಬೆಳ್ಳಿಯ ಕಾಲು ಚೈನ್ ಬೆಲೆ 5000.00 ,4)10000.00 ರೂ ನಗದು ಹಣವನ್ನು,5)ಸುಮಾರು 8000 ರೂ ಬೆಲೆ ಬಾಳುವ ರೇಷ್ಮೇ ಸೀರೆಗಳನ್ನು ಕಳ್ಳತನ ಮಾಡಿರುತ್ತಾರೆ.ಬೀರುವಿನಲ್ಲಿದ್ದ ಕೆಲ ಬಟ್ಟೆಗಳನ್ನು ಹೊರಗೆ ಹಾಕಿರುತ್ತಾರೆ.ಅದ್ದರಿಂದ ಈ ಕೃತ್ಯವನ್ನು ಮಾಡಿರುವ ನನ್ನ ಗಂಡ ಶ್ರೀನಿವಾಸ,ನನ್ನ ಮಾವ ದಾಸಪ್ಪ ನನ್ನ ಅತ್ತೆ ಸಾಕಮ್ಮ ರವರುಗಳ ಮೇಲೆ ಮುಂದಿನ ಕಾನೂನು ಕ್ರಮ ಜರುಗಿಸಬೇಕೆಂದು ಪಿರ್ಯಾದಿಯು ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿ ತನಿಖೆಕೈಗೊಂಡಿರುತ್ತೆ.

 

ಚಿನಾಹಳ್ಳಿ ಪೊಲೀಸ್ ಠಾಣಾ ಮೊ.ನಂ. 91/2020 ಕಲಂ 279, 337 ಐಪಿಸಿ ರೆ/ವಿ 187 ಐಎಂವಿ ಆಕ್ಟ್

ದಿನಾಂಕ: 05-09-2020 ರಂದು ಸಂಜೆ 06.00 ಗಂಟೆಯ ಸಮಯದಲ್ಲಿ ಪಿರ್ಯಾದುದಾರರಾದ ಶಿವಣ್ಣ ಬಿನ್ ಲೇಟ್ ಮರಿಯಪ್ಪ, ಸುಮಾರು 60 ವರ್ಷ, ನಾಯಕ ಜನಾಂಗ, ಜಿರಾಯ್ತಿ, ದಬ್ಬೇಘಟ್ಟ, ಕಸಬಾ ಹೋಬಳಿ, ಚಿನಾಹಳ್ಳಿ ತಾಲ್ಲೂಕು ರವರು ಠಾಣೆಗೆ ಹಾಜರಾಗಿ ನೀಡಿದ ಲಿಖಿತ ದೂರಿನ ಸಾರಾಂಶವೇನೆಂದರೆ, ದಿನಾಂಕ: 29/08/2020 ರಂದು ನನ್ನ ಮಗನಾದ ಮೋಹನ್ ಕುಮಾರ್ ಬಿನ್ ಶಿವಣ್ಣ, ಸುಮಾರು 35 ವರ್ಷ, ರವರು ಕೆಲಸದ ನಿಮಿತ್ತ ದಬ್ಬೇಘಟ್ಟದಿಂದ ಕೆ.ಬಿ. ಕ್ರಾಸ್ ಗೆ ಹೋಗುತ್ತಿರುವಾಗ ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಬಂದ ಟ್ರ್ಯಾಕ್ಟರ್ (ಕಲ್ಲುತುಂಬಿದ) ನಂ. ಕೆಎ44, ಟಿ 7147 ನನ್ನ ಮಗ ಓಡಿಸುತ್ತಿದ್ದ ಮೋಟಾರ್ ಸೈಕಲ್ ಗೆ ಬೆಳಿಗ್ಗೆ 11.00 ಗಂಟೆಗೆ ತರಬೇನಹಳ್ಳಿ ಗ್ರಾಮದ ಕುಂಬಾರರ ಮನೆಯ ಸಮೀಪ ಡಿಕ್ಕಿ ಹೊಡೆದ ಪರಿಣಾಮಕ್ಕೆ ಬಲ ಮತ್ತು ಎಡಗಾಲಿಗೆ ಹಾಗೂ ಬಲಗಣ್ಣಿಗೆ ತೀವ್ರತರವಾದ ಗಾಯವಾಗಿ ರಕ್ತದ ಮಡುವಿನಲ್ಲಿ ಬಿದ್ದಿರುತ್ತಾನೆ. ನಮ್ಮ ಊರಿನ ಮಲ್ಲಿಕಯ್ಯನವರು ಅದೇ ದಾರಿಯಲ್ಲಿ ಬರುತ್ತಿದ್ದು, ನಮಗೆ ದೂರವಾಣಿ ಮುಖಾಂತರ ತಿಳಿಸಿದ ಮೇರೆಗೆ ಹೋಗಿ ನೋಡಲಾಗಿ ಆತನನ್ನು ಆಟೋದಲ್ಲಿ ಚಿಕ್ಕನಾಯಕನಹಳ್ಳಿ ಸರ್ಕಾರಿ ಆಸ್ಪತ್ರೆಗೆ ಸೇರಿಸಿದ್ದು, ವೈದ್ಯರ ಸಲಹೆಯ ಮೇರೆಗೆ ಅದೇ ದಿನ ಸುಮಾರು ಬೆಳಿಗ್ಗೆ 12.00 ಗಂಟೆ ವೇಳೆಗೆ ತುಮಕೂರು ಸರ್ಕಾರಿ ಆಸ್ಪತ್ರೆಗೆ ಸರ್ಕಾರಿ ತುರ್ತು ವಾಹನದಲ್ಲಿ (108) ಹೋಗಿದ್ದೆವು. ಅಲ್ಲಿ ಸೂಕ್ತ ಚಿಕಿತ್ಸೆ ದೊರೆಯದ ಕಾರಣ ಬಿ.ಹೆಚ್. ರಸ್ತೆಯಲ್ಲಿರುವ ವಿನಾಯಕ ಆಸ್ಪತ್ರೆಗೆ ಒಳರೋಗಿಯಾಗಿ ಸೇರಿಸಲಾಗಿದೆ. ನಾವುಗಳು ನನ್ನ ಮಗನ ಆರೋಗ್ಯ ನೋಡಿಕೊಳ್ಳುತ್ತಿದ್ದ ಕಾರಣ ಈ ದಿನ ತಡವಾಗಿ ದೂರನ್ನು ಸಲ್ಲಿಸುತ್ತಿದ್ದೇನೆ. ತಾವುಗಳು ದಯಮಾಡಿ ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಬಂದು ಅಪಘಾತಪಡಿಸಿದ ಟ್ರ್ಯಾಕ್ಟರ್ ನಂ. ಕೆಎ 44, ಟಿ 7147 ಚಾಲಕನ ಮೇಲೆ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಬೇಕೆಂದು ತಮ್ಮಲ್ಲಿ ಕೇಳಿಕೊಳ್ಳುತ್ತೇನೆ. ಚಾಲಕನ ಹೆಸರು, ವಿಳಾಸ ತಿಳಿದಿರುವುದಿಲ್ಲ. ಅಪಘಾತ ಮಾಡಿದ ಚಾಲಕ ಟ್ರ್ಯಾಕ್ಟರ್ ಬಿಟ್ಟು ಓಡಿ ಹೋಗಿರುತ್ತಾನೆ ಎಂದು ನೀಡಿದ ದೂರನ್ನು ಸ್ವೀಕರಿಸಿ ಠಾಣಾ ಮೊ.ನಂ. 91/2020 ಕಲಂ 279, 337 ಐಪಿಸಿ ರೆ/ವಿ 187 ಐಎಂವಿ ಆಕ್ಟ್ ರೀತ್ಯಾ ಪ್ರಕರಣ ದಾಖಲಿಸಿರುತ್ತೇನೆ.

ಹುಳಿಯಾರು ಪೊಲೀಸ್ ಠಾಣಾ ಮೊ.ನಂ 136/2020, ಕಲಂ 78(3) ಕೆ.ಪಿ ಆಕ್ಟ್.

ದಿನಾಂಕ:-05-09-2020 ರಂದು ಬೆಳಗ್ಗೆ 11:30 ಗಂಟೆಯಲ್ಲಿ ಠಾಣಾ ಹೆಚ್.ಸಿ-246 ತೋಂಟಾರಾಧ್ಯ ಡಿ ಎಂರವರು ನೀಡಿದ ವರದಿಯ ಸಾರಾಂಶವೇನೆಂದರೆ ದಿನಾಂಕ:-05.09.2020 ರಂದು ಬೆಳಗ್ಗೆ 11:30 ಗಂಟೆ ಸಮಯದಲ್ಲಿ ಹುಳಿಯಾರು ಹೋಬಳಿ ಪೋಚುಕಟ್ಟೆ ತಾಂಡ್ಯ ಬಳಿ ಸಾರ್ವಜನಿಕ ಸ್ಥಳದಲ್ಲಿ ಯಾರೋ ಆಸಾಮಿಗಳು ಮಟ್ಕಾ ಜೂಜಾಟ ನಡೆಸುತ್ತಿರುವ ಬಗ್ಗೆ ಭಾತ್ಮೀ ಬಂದಿದ್ದು ಮುಂದಿನ ಕ್ರಮ ಕೈಗೊಳ್ಳಲು ವರದಿಯನ್ನು ನೀಡಿರುತ್ತೇನೆ ಎಂದು ನೀಡಿದ್ದನ್ನು ಪಡೆದು ಎನ್ ಸಿ ಆರ್ ಪ್ರಕರಣ ದಾಖಲಿಸಿ ಘನ ನ್ಯಾಯಾಲಯದ ಅನುಮತಿ ಪಡೆದು ಪ್ರಕರಣದ ದಾಖಲಿಸಿರುತ್ತೇನೆ.

ಹುಳಿಯಾರು ಪೊಲೀಸ್ ಠಾಣಾ ಮೊ.ನಂ 137/2020, ಕಲಂ 78(3) ಕೆ.ಪಿ ಆಕ್ಟ್.

ದಿನಾಂಕ:-05-09-2020 ರಂದು ಬೆಳಗ್ಗೆ 11:45 ಗಂಟೆಯಲ್ಲಿ ಠಾಣಾ ಹೆಚ್.ಸಿ-246 ತೋಂಟಾರಾಧ್ಯ ಡಿ ಎಂರವರು ನೀಡಿದ ವರದಿಯ ಸಾರಾಂಶವೇನೆಂದರೆ ದಿನಾಂಕ:-05.09.2020 ರಂದು ಬೆಳಗ್ಗೆ 11:45 ಗಂಟೆ ಸಮಯದಲ್ಲಿ ಹುಳಿಯಾರು ಟೌನ್ ದುರ್ಗಮ್ಮನ ದೇವಸ್ಥಾನದ ಬಳಿ ಸಾರ್ವಜನಿಕ ಸ್ಥಳದಲ್ಲಿ ಯಾರೋ ಆಸಾಮಿಗಳು ಮಟ್ಕಾ ಜೂಜಾಟ ನಡೆಸುತ್ತಿರುವ ಬಗ್ಗೆ ಭಾತ್ಮೀ ಬಂದಿದ್ದು ಮುಂದಿನ ಕ್ರಮ ಕೈಗೊಳ್ಳಲು ವರದಿಯನ್ನು ನೀಡಿರುತ್ತೇನೆ ಎಂದು ನೀಡಿದ್ದನ್ನು ಪಡೆದು ಎನ್ ಸಿ ಆರ್ ಪ್ರಕರಣ ದಾಖಲಿಸಿ ಘನ ನ್ಯಾಯಾಲಯದ ಅನುಮತಿ ಪಡೆದು ಪ್ರಕರಣದ ದಾಖಲಿಸಿರುತ್ತೇನೆ.


ಅಪರಾಧ ವರದಿ ಮಾಡಿ


ಜಿಲ್ಲಾ ಪೊಲೀಸ್ ಆಪ್

ತುರ್ತು ಸಹಾಯವಾಣಿ

ಪೊಲೀಸ್
100
ಪೊಲೀಸ್ ನಿಯಂತ್ರಣ ಕೊಠಡಿ
0816-2278000
ತುರ್ತು ಚಿಕಿತ್ಸಾ ವಾಹನ
108
ಅಗ್ನಿಶಾಮಕ ದಳ
101
ಬೆಸ್ಕಾಂ ಸಹಾಯವಾಣಿ
1912
ಹಿರಿಯ ನಾಗರಿಕರ ಸಹಾಯವಾಣಿ
1090
ಮಹಿಳೆಯರ ಸಹಾಯವಾಣಿ
1091
ಮಕ್ಕಳ ಸಹಾಯವಾಣಿ
1098
ಜಿಲ್ಲಾ ಪೊಲೀಸ್ ಕಚೇರಿ
0816-2275451
ಅಡಿಷನಲ್ ಎಸ್.ಪಿ.
0816-2274130
ತುಮಕೂರು ಜಿಲ್ಲಾಧಿಕಾರಿಗಳು
0816-2272480
ಜಿಲ್ಲಾ ಸಾರ್ವಜನಿಕ ಆಸ್ಪತ್ರೆ
0816-2278377
ಜಿಲ್ಲಾ ಸಾರಿಗೆ ಕಚೇರಿ
0816-2278473

ವಿಪಿನ್ ರಾಯ್
9620142317

ಪ್ರಜ್ವಲ್
7996131499

ದಿಲೀಪ್
9916790692

ಸುಸನ್
7829794200

ಗುಂಡಪ್ಪ
9448617529

ತಿಲಕ್
9739596920

ನಂದೀಶ್
9845134445

ಪಾಷ
9900089813

ಹೈದರ್
9980976954


 

We have 47 guests online
Content View Hits : 899290
Hackguard Security Enabled